Mae Cylchdaith Fethodistaidd Ceredigion yn cydnabod, nid yn unig bod pob unigolyn wedi ei greu yn unigryw ar lun a delw Duw, ond bod pawb â’r un gwerth a phwysigrwydd o fewn teulu Duw, ein cylchdaith ni ac yn ein cymunedau.

​

Mae ein cylchdaith yn parchu POB agwedd ar BAWB gan gynnwys hil, ethnigrwydd, ffydd, rhywedd, hunaniaeth, cyfeiriadedd, niwroamrywiaeth, iechyd meddwl neu gorfforol, amgylchiadau teuluol, cefndir cymdeithasol neu economaidd, oedran, gallu a maint.

 

Rydym yn ceisio bod yn eglwys gwbl gynhwysol lle mae pawb, gan gynnwys y rhai sy’n uniaethu fel LHDTCRhA+, yn teimlo ac yn canfod fod ein capeli yn llefydd diogel a chroesawus.

 

Mae ein cylchdaith wedi ymrwymo i gydraddoldeb o ran priodas ac mae’r ddau gapel (Sant Paul Aberystwyth a Sant Thomas Llanbedr Pont Steffan) wedi eu cofrestru i gynnal priodasau un rhyw.

​

 https://www.cambrian-news.co.uk/news/first-same-sex-marriage-in-a-church-in-aberystwyth-brought-tears-of-joy-to-happy-couple-665355

​

Rydym hefyd wedi cofrestru gydag Inclusive Church

​

Gan fod gennym ymrwymiad parhaus i gydraddoldeb a chynhwysiant yn holl waith

ac addoliad ein heglwysi, rydym ymhlith pethau eraill yn cynnal gwasanaeth cofio

yn Sant Paul ar gyfer Diwrnod Cofio Pobl Drawsryweddol, a gwasanaethau Sul

Eglwys Gynhwysol yn Sant Paul a Sant Thomas.

​

Mae Cylchdaith Ceredigion wedi penodi swyddog Cydraddoldeb, Amrywiaeth a

Chynhwysiant ac (o hydref 2023 ymlaen) rydym hefyd yn cyflogi Gweithiwr Maes a

Chefnogaeth ar gyfer Cydraddoldeb, Amrywiaeth a Chynhwysiant. Gwaith yr

unigolyn yma yw datblygu cenhadaeth, gweinidogaeth a chefnogaeth fugeiliol yng

Nghylchdaith Ceredigion ymhlith pobl sy’n uniaethu fel Niwroamrywiol, LHDTCRh+ ac ymhlith y gymuned Cyfrannu i Rannu yn Sant Paul.

 

Ceisiwn greu amgylchddd lle bydd pob aelod, ffrind neu ymwelydd, a phawb y deuwn i gysylltiad ag ef, yn cael ei barchu, ei werthfawrogi a’i groesawu am yr hyn ydyw.