Exterior shot of St Thomas' Church in Lampeter

Sant Thomas
Eglwys Fethodistaidd

Stryd Sant Thomas, Llabedr Pont Steffan SA48 7DQ

Addoli Bore Sul

Gwasaneath Saesneg 10:30yb

St Thomas' General

Am Sant Thomas

Croeso i Eglwys Fethodistaidd Sant Thomas. Adeiladwyd y capel Methodistaidd cyntaf yn Llanbedr Pont Steffan yn 1806, mewn lleoliad bellach yn rhan o diroedd y Brifysgol. Yn ein safle presennol fe adeiladwyd y capel Wesleaidd Cymraeg cyntaf yn 1828 a’i ailadeiladu yn 1875. Yn 1983, am nifer o resymau, gofynnodd yr aelodau i’r eglwys gael ei throsglwyddo i’r Gylchdaith Saesneg.

Dros y blynyddoedd fe ddirywiodd yr adeilad a chyda nifer yr aelodau lleol yn ddim ond 22, gwnaed y penderfyniad dewr i ddymchwel yr adeilad ac adeiladu o’r newydd ar yr un safle. Tra oedd y gwaith yn cael ei wneud, rhwng Mai 1991 a Tachwedd 1992, buom yn cynnal gwasanaethau yn neuadd eglwys Sant Pedr, trwy ganiatâd caredig ein cyfeillion Anglicanaidd. Yn Rhagfyr 1992, agorwyd yr adeilad hwn.

Oddi ar hynny mae’n bleser mawr gennym ddweud fod yr aelodaeth a’r nifer sy’n mynychu’r capel wedi cynyddu ac rydym bellach yn eglwys deuluol lewyrchus gydag aelodau o sawl cefndir eglwysig ac o bob cwr o’r byd.

Datganiad Cenhadaeth

Croeso Cynnes

Mae Sant Thomas yn cynnig lle cynnes, croesawus i gymdeithasu gyda Bore Coffi ar Ddydd Mawrth. Gweinir te, coffi a bisgedi (10am-12pm). Mae’r eglwys wedi ei chofrestru gyda’r Rhwydwaith Croeso Cynnes cenedlaethol a phrosiect Croeso Cynnes Cyswllt Ceredigion.

Mae Sant Thomas yn parchu POB agwedd ar BAWB gan gynnwys hil, ethnigrwydd, ffydd, rhywedd, hunaniaeth, cyfeiriadedd, niwroamrywiaeth, iechyd meddwl neu gorfforol, amgylchiadau teuluol, cefndir cymdeithasol neu economaidd, oedran, gallu a maint.